Mh – privacy. Also was heisst das… so Geborgeheit. So wiit wie möglich. ( Ähm ) Ebe privacy. Initimität, so vilicht. So i däm sinn au. Aso nid dasi do ih irgend imene riise Saal mit irgend weiss nid fufzig anderne müessti sterbe. Oder scho nur mit öperem nebedra fändi das glaub komisch. D’Vorstellig jez so. Und ( ähm )… dass si mi lönd loh sterbe. Also weisch, dass si nid no irgendwie, eifach wills e Spital isch, no x Sache usprobiert werde um vilicht no ä Viertelstund oder Halbstund oder zwei Tag meh usez’schiindä. Das, dängg ich, isch für mi au no wichtig… jo… und, dängg ich, mögligscht liebevolli Pfläg so. Und Lüt wo sich… vilicht au Lüt wo nid Angscht händ devor das do jez öper stirbt… glaub das hilft au no. — jo.