( hmmmm ) — Ja – was wür me gern ghöre ( ? ) Ich weiss nöd emal öbs sovill Wort wäred, wo ich wür bruche i somene Moment, sondern lieber kei Wort und eifach es, es dasii, es physisches Aweseheit, es nöd eleiget si i somene Moment. So öpper wo mitbriegget oder mich fescht hebt, ich weiss nöd ob so Wort i somene Moment… – aso ebe, immer vorusgsetzt was isch das für en Todesfall ( ? ) wenn, wenn mis Mueti stirbt und mir öpper seit : ‹‹ah trurig, sone Luschtigi gsi››. Säg ich : ‹‹Ja››. – Wenns mis Chind wär müesst, müesst me warschinlich e paar Tag gar nöd mit mir redä, aso s’chunnt sehr druff ah wer me verlürt, i wellere Beziehig zu somene Mänsch gstande isch wo, wo stirbt.… aber ebe Wort sind zum Teil heilsam und zum Teil überforderets eim, wänn mer mitem Verstand i somene Moment muess reagiere.
/T.S.
Studentin. Mutter starb an Brustkrebs.
Worschinlich das. Das es ihne leid tuet und dass sie do sin wenn ich will. Und ich glaub ich würd nid so ufdringlichi Lüt wellä.
