/M.M.
Allgemeinpraktiker. Vater von vier Kindern. Wittwer.

Jä im Prinzip grad nach de Geburt fohts a. ( ähm ) Natürlich isch zerscht emol e gwüsse Ufbau, aber eigentlich äh, laufts alles uf de Tod denn use. S’gitt kei anderi Lösig, also s’gitt eifach ei Wäg im Läbe und dä isch am Endi de Tod. — und sunscht würdi meine, wenn ( äh ), wenn me sich alt fühlt, wenn me s’Gfühl hett, jetzt heig me de Höhepunkt vom Läbe überschritte – aber dä cha zu verschiedenem Zitpunkt si. Git natürlich au de medizinischi Zitpunkt vom Stärbe, aso wenn Gwäb kaputt goht. Aber dä isch ebe au ganz variabel. Dä foht au relativ früeh a, dass s’Gwäb scho kaputt goht und das isch quasi au scho de Beginn vom Stärbe. Also sGedächtnis beziehigswiis d’Hirnleischtig ( ähm ) das isch – duurend e Abbau und wider e Ufbau. Überhaupt unseri Körperzälle wärde jo duurend abbaut und au wider ufbaut, aso chöntsch au das as so e Teil vom Stärbe bezeichne.

Antworten der anderen Personen