*lacht* Aso das isch ganz schwirig. Wenn mes mit Wort muess mache – ( äh ), blibed eim d’Wörter eigentlich fascht weg. Will ich finde so ‹ich kondolier dir›, das isch eso ( mh ) – gfallt mer nöd. ( äh ) Au ‹mis Bileid› – findi au nid guet. Am liebschte tueni eifach säge : ‹‹ich denk a dich und möcht dich ganz fescht hebe, wenn du jetzt bi mir wärsch und mit dir truurig si – und mit dir brüelä – brüelä››. Und villicht wider au s’Schöne gseh wo mer mitenand erläbt hend und villicht au e paar Erinnierige no ustusche. Aber schribe, das isch ganz schwirig. Aso ich find sisch schwirig bi detige wo eim nöch stönd und sisch au schwirig bi dötige wo eim nöd nöch stönd. Und au wenn me do recherchiert – im Internet – wie tue ich das am beschte formuliere… isch eigentlich nüt wo so befriidigend isch.
/A.S.
Primarlehrerin. Mutter starb an Brustkrebs.
Kunnt sehr druff ah wie noch ich dere Person bi. ( ähm ) – Ich glaub s’chunnt au druff ah, aso s’spillt zämme mit wie noch sie