Ebe nid ‹ich kondolier dir›. *lächelt* ( ähm ) — — Chunnt au wider druff ah – wär – ( ähm ) wär me verliert, well ebe zum Bispil grad bi Grosseltere oder so wo lang gläbt hän, find ichs ame no schön zsage : ‹‹hey lug, die hän doch…›› aso au zhöre ; ‹‹die hän doch jetzt e schöns Läbe au gha und isch doch jetzt au guet…››, abgschlosse, so chli so. Jo. Aso jo das… well ich das au irgendwie cha so seh, denn isch das jo eigentlich agnehm, zum so chönne drüber schwätze. Dases denn ebe au nid eso schlimm muess si, das jetzt öpper gstorbe isch. Sondern dases jetzt eifach jo, in Ordnig isch und ebe de Verlauf vom Läbe. Und suscht — aso jo… ( hm ) Ich glaub ich würd nid irgendwie öppis bestimmts höre, will je nachdem ebe, muess me jo gar nüt schwätze. So chli so.
/T.S.
Studentin. Mutter starb an Brustkrebs.
Worschinlich das. Das es ihne leid tuet und dass sie do sin wenn ich will. Und ich glaub ich würd nid so ufdringlichi Lüt wellä.
