Kunnt sehr druff ah wie noch ich dere Person bi. ( ähm ) – Ich glaub s’chunnt au druff ah, aso s’spillt zämme mit wie noch sie isch, aber au – wie fescht ich weiss… aso oder wie ich weiss wie fescht ich dere Person… oder wie nochs dere Person goht – aso jo, wenn irgendwie vonere Fründin e Grossvater gstorbe isch und sie seit : jo dä isch alt gsi und dä isch jetzt gstorbe… Denn reagiert me jo anders als wenn me weiss okay, vo ihre isch jetzt dr Brueder gstorbe und sie isch jetzt völlig usem Läbe grisse und so – ich dängg das chunnt sehr uf d’Situation druff ah. ( ähm ) — Das, das ich ‹kondolier dir›, das hett mi immer bitz gstört. Will das, aso – ich verstands nid *lächelt*. Jo und das findi sone distanzierts Wort, das – jo – aso chan ich nüt demit afoh… würd ich nid wölle das mir das öppert seit. Will sisch so – okay ? ( ähm ) — ‹Es tuet mer Leid für di› – das. Isch sicher öppis wo me cha sage, aso wo me immer cha sage. — — Jo und denn muess me glaub in so Situatione immer echli merke und spüre, was jetzt die ander Person brucht. Oder denn halt au froge… – ebe halt jo, was sölli no sage ? Oder villicht ebe muess me au gar nüt sage, sondern eifach irgendwie hebe oder umarme.
/R.G.
Bestatter. Familienvater.
Aso für mich isches emal ganz klar – das ich z’allererscht mal vor Ort gahne und emal luege, was isch überhaupt passiert. Denn isches für