Nei, aso, das isch ja en uralte Menschheitstraum, dass de Mensch setti unsterblich si und – ich glaub das isch – aso abgseh dases e Illusion isch – es wär keis läbenswerts Läbe  : wo nöd weiss immer au begränzt isch und begränzt und bedroht, aso d’Erchänntnis oder s’Bewusstsii, dass ebe öppis nöd ewig duuret verstärcht de Wert vo dem wo mer tatsächlich hät um es x-fachs. Aso ich glaub das kännt jede, wo scho en schöne Sunneundergang erläbt hät und s’Gfühl hät, läck, dä müesst ewig duure… und wänn denn de Sunneundergang ewig wür duure wür me warschinli nümme hii luege. Aso das läbt devo, au s’Läbe, dases eimalig isch und ebe begränzt isch. Aso nei, s’Läbe ohni Tod : undenkbar.