/M.F.
Pflegeexperte am Komptenzzentrum Palliative Care

Nei. Will ( ähm ) — will ich glaube, dass letschtendlich i jedem Läbe en Sinn isch und ich glaube, dass de Sinn mit Endlichkeit verbunde isch. Aso wenn Sie ewig würded wiiter läbe, dänn müessted Sie sich froge, wurum. Tod chan ja au es Zil si – will ich meine Biologie spillt e Rolle – ich mein, wenn Sie mich jetzt würded frage : ‹‹würded Sie es Läbe ohni Tod wöllä und Sie wäred immer 25i›› ( ? ) — Warschinlich würd ich denn au nei säge, aber das wär e anderi Usgangslag. Aber ich wird ja jedes Jahr es Jahr älter, oder, und Sie warschinlich au *lächelt* — und ich glaube je älter das mer wird, das isch zum Biispiil au no öppis, ich glaube, dass isch au wänn Sie älteri Lüt froged, oder, es git Mänsche, wo mir da au – zwar e chli sältener händ – aber e sogenannti Läbenssattheit händ. – Die sehned sich eigentlich uf de Zitpunkt – ich glaube nöd, aso wenn sie mich nachem wurum froged, oder, denn müesst ich au es wie ha und ich findä, das ebä s’Läbe begränzt isch, machts ja irgendwo au schön. Aso s’zwingt mich mengisch öppis zgnüsse, wo nöd eifach so wider chunnt.
«Aso wenn sie mich nachem ‹Wurum› froged, oder, denn müesst ich au es ‹Wie› ha und ich findä, das ebä s’Läbe begränzt isch, machts ja irgendwo au schön.»

Antworten der anderen Personen