Aso irgendwie stelled Sie zimmli schwirigi Frage, — ( phoa ) irgendwie, wüssed Sie… aso liecht Sterbä aso – ich glaubä, letschtändlich isch de Tod immer en Seich, oder, und es liechts Sterbä isch extrem abhängig devo wie öppert läbt. Wänn Sie wiit zrugg lueged id Gschicht… ich mein hüt säged d’Lüt : ‹‹am liebschte hani en churze, schmerzlose Tod››. Villicht ischs irgendwie mitere Malysian Airlines abstürze nöd s’schlimmschtä, oder ( ? ). Dänn isches zimmli schnäll verbi. – Früehner im Mittelalter, das isch s’schlimmschte gsi wo Sie sich händ chönne vorstelle isch gsi, das mer schnäll stirbt. Churz und schmerzlos, vor dem hät mer sich gfürchtet. ( Äh ) Hüt d’Lüt… aso es Sterbä wär für mich, es Sterbä – ich säg jetzt mal ohni grosses Lide über d’Bühni gaht, wo ich schmerzfrei ohni irgendwelchi grosse Symptomlaschter, ich säg jetzt emal, sanft übere gleite — möglichscht i mim persönliche Umfäld und begleitet dur mini Allerliebschte und -nöchschte Lüt. Das wär für mich es liechts Sterbä.
/M.M.
Allgemeinpraktiker. Vater von vier Kindern. Wittwer.
Ein leichtes Sterben ( ? ) — Das sin oder au wider verschideni Szenarie wo liecht sin : e Herzinfarkt wo innert Sekunde stirbsch isch sicher e liechts
