/M.F.
Pflegeexperte am Komptenzzentrum Palliative Care

Ich glaub ich verstoh die Frag nöd, was verstönd Sie under eme agmessnige Sterbä ( ? ) *lacht* Aso chan mer agmessä sterbä ? — *seufzt* — aso ich weiss nöd, ob ich die Frag verstoh ehrlich gseit, aber ich würd jetzt mal säge, es chunnt ja sehr uf de Kontext a wo Sie sterbäd oder… und ich glaub sisch en Unterschied öb Sie da ide Schwiiz im Unispital ide Palliativstation sterbäd, oder ob Sie in Afrika irgendwo im Busch a Ebola sterbäd – was isch det agmessä, was isch da agmessä ?… Agmessä isch für mich, was chan ich und was dörf ich überhaupt erwarte – oder ich verstah die Frag eifach nöd… Aso ich säg jetzt mal da i dem Land, da wo mir läbed, also jetzt z’Züri isch es agmessnigs Sterbä es Sterbä wo – ich säg jetzt mal – de Betroffeni, aso dä wo stirbt, e Wahl hätt. Um nöd zsäge… aso vill reded i dem Zämehang vo Würde, aso sheisst es agmessnigs Sterbä heisst es würdevolls Sterbä, aber sisch dermasse en abdroschene Begriff und für mich isch irgendwie en würdevolls Sterbä heisst ich han e Wahl. Erschtens mal wo ich stirb und es Stuck wiit wie ich stirb und wie ich begleitet wird… aber da würded Sie under Umständ vo gwüsse Politiker ghöre ; ‹‹das chönd Sie nöd erwarte›› oder ( ? ). [ … ] Aso ich find s’Sterbä isch ebe nöd agmessä eigentlich, oder.
«Aso ich weiss nöd, ob ich die Frag verstoh ehrlich gseit, aber ich würd jetzt mal säge, es chunnt ja sehr uf de Kontext a wo Sie sterbäd oder…»

Antworten der anderen Personen