/R.G.
Bestatter. Familienvater.

S agmessnige Sterbä empfind ich eigentlich in erschter Linie d’Schmerzbekämpfig. Aso für mich isch das, jetzt für mich isch das öppis ganz wichtigs – wänn allefalls s’Betroffnige nümme chan reagiere… s’agmessnige Stärbe find ich, wenn öpper no chan reagiere, uf das wo muess stärbe, das mer uf das ihgaht. Das mer ihm hilft de Wäg dörfe zgah und s’nöd wott zrugbhalte und säge – «nei, du chasch doch jetzt mich nöd eleige lah, was mach ich dänn ohni dich – und s’andere weiss genau, ich chan ja gar nöd… ich chan ja gar nöd. Z’säge, ich wird dich vermisse, es tuet mir weh dass du muesch gah, aber du dörfsch gah und vorallem au, wänn du bereit bisch loszlah, lahs los». Find ich, das isch e Form vo dörfe agmesse Sterbä.

Antworten der anderen Personen