Wurum isches es Tabu ? — Jo ich glaub, jä eigentlich fascht ähnlich, oder, well – ich glaub es isch vorallem eigentlich will d’Lüt Angscht hän, sie kömme nid klar mit was au immer sie uslöse, wenn sie drüber rede. Well alli hän jo irgend e Art vo, oder allne, oder fascht allne isch scho irgendwie e Tod in dr Fami- lie oder sunscht wo vorcho – und alli hän ihri ganz persönliche Erinnerige dra und wenn dus asprichsch chas halt si dass denn das irgendöppis uslöst – uf das du denn nid richtig reagiere chasch oder so. Und denn spricht me’s lieber grad gar nid a. — Und wells villicht eifacher isch eifach sich nid demit usenan- der zsetze bises sowit isch. – Oder sich halt au nümm demit usenander setze wenns mol passiert isch – unds eifach zverdränge… das me wie nümme – nümme drüber redet dass jetzt öppert gstorbe isch, wells denn doch immer wider Gfühl ufweckt unds eifacher isch denn eifach so ztue als wär nie öppis gsi.
/U.S.
Pensionärin. Ehemals Pflegedienstleiterin in einem Alters- und Pflegeheim.
Ich denke er isch es Tabu, will mer sich suscht muess Gedanke mache drüber. Und ganz, ganz villes eifach offe isch und es grosses Frogezeiche