Das isch ganz schwirig z’säge – aso ( äh ) bin ich geischtig no bi mir, oder bin ich dement. Wenn ich dement bi, denn cha mer das eigentlich gar nöd vorstellä – will i weiss nöd wie mer denn reagiert. Und wenn ich bi mir bin, denn – aso wa ich erläbt ha, ide Heim – die wo en Fride, mit sich und de Umwält gha händ, die händ eifach chönne loslah… zum Teil händs loslah mit nümme ässe und nümme trinke und eifach gseit : ‹‹ich bi jetzt läbensmüed››, und anderi händ denn eifach wenns starchi Schmerze gha hend, die hend natürlich denn mit Medikament, hend die e anders Empfinde zum Teil gha. Zum Bispil wenns Morphium gha hend, wos denn eifach au nümme so klar hend chönne denkä. – Aber wenn die gnueg Medikament gha hend, denn denk i hend sie au entspannt chönne in Tod. Aber die Lüt wo im Prinzip nöd Fride mit sich und de Umwält gha händ, da han ich villfach erläbt, da nützt nüt a Medikament, do chasch du Morphium fascht Todesratione sprütze und sie sind glich verchrampft, händ Müeh mit schnufe ( äh ) und müend kämpfe, dass sie dörfed sterbä – oder, sich au wehred gege s’Sterbä.