/M.F.
Pflegeexperte am Komptenzzentrum Palliative Care

A traditionellä Begräbnis ? — ( hmm ) — Alles. *lächelt* Ja ich meine Begräbnis ( ? ), oder aso Begräbnis heisst ja letscht-ändlich – Sie übergänd das wo a Materie zrugg blibt dä Erde, ja. Das isch e traditionelli Bestattig, oder. ( ? ) Für mich muess e Bestattig nöd zwingend i de Erde stattfinde. Aso ich han jetzt grad letschti e wunderschöni Werbig gseh vonere sogenannte ‹Peace Box› – ( ähm ) – wo ich weiss nöd us was für Material isch, da tuet mer zB. Kremationsäsche inne und dänn tuet mer die zum Biispiil.… aso die isch dänn so gmacht, dass sie langsam im Wasser absinkt und sich döt uflöst – und – aso ich dänke irgend-wie für mich i däm Sinn s’traditionelli… oder s’muess ja eigentlich… es sötti halt so sii, dasses zu derä Person passt, dass sie so bestattet isch, wie sie sich das eigentlich gwünscht hätt. Aso das fänd ich jetzt irgendwie en Wunsch wo mer unbedingt muess berücksichtige – aber – jenachdem wie öppert stirbt und was für Umständ gsi sind und wases für die Hinderblibene bedütet, villicht au mitere relativ komplizierte Truur – wänn da villicht no ganz vill ‹unfinished business› gsi isch, chan ebä es Grab au Therapie sii. Denn chans ganz wichtig sii für öpper, dass öpper traditionell bestatted wird und was heisst, ich han sicher jetzt nüt falsch gmacht, oder – und dänn nacher chan de döt herä und chan i dere Erde umescharre und irgendwie über die Zit wo dänn no isch ( äh ) die, die Sa… me cha no villes kläre nachem Tod, oder, wänn öpper gstorbe isch. Das bedingt mängisch ebä scho dases e Verbindig git… will d’Beziehig gaht ja witer, oder. Und das es e Verbindig git zu derä Person wo gstorbe isch. Das chan under Umstände au es Grab si. Und für villi Lüt isch ebe es Grab… aso Hinderblibeni… isch es Grab ebe öppis ganz wichtigs. Ja, aso insofern chan ich säge, chan ich die Frag eigentlich gar nöd beantwortä. Aber wänn Sie mich frogäd persönlich – würd ich säge — who cares ( ? ) —aso s’chan alles weggloh werdä, insbesonderi de ganzi Predigt vomene Pfarrer wo dä, wo de Gstorbeni nöd emal kännt hät, oder.
«Aber wänn Sie mich frogäd, persönlich würd ich säge ‹who cares?›, aso s’chan alles weggloh werdä, insbesonderi de ganzi Predigt vomene Pfarrer wo dä Gstorbeni nöd emal kännt hät.»

Antworten der anderen Personen