Jä. Dass das nu ä Teil vom Ganze isch. Dä Sterbeprozess. Du bisch… au bis… bis zum Moment wo du denn wirggli stirbsch lebsch. Oder ( ? ). Und denn gohts drum das z’lebe wo… wo wichtig isch. Und ich dängg döte ( mh ) — döt gohts wirgglich drum… ebe… s’Wichtige usez’pigge und das z’mache was de wottsch… wirgglich wottsch. Und… und de Räscht gheisch über dr Huffe. Aso, ä Fründin vo mir hett mir gseit gha : jez muesch lehre ganz masslos egoistisch werde. Und irgendwo, dängg ich, das stimmt. Und bis zumene… aso bis zumene gwüsse Grad bizli machsch natürlig eineweg Kompromiss, dängg ich, aber… so wie das im ganze Lebe immer machsch. Das eh nid alles… jo, es gitt immer überall Teil wo nid eso gern machsch und do bi mim neuiä Job… wenni döt so radikal wär *lacht* dene müesste mini Kollege vill Schissdrägg vo mir übernäh… woni… fändi jez au e biz e Zuemuetig… wenni jez numme mir wür d’Rosinli usepigge. So. Ich dängg das isch dä Vorteil. Und für alli andere. Wo… wo mit dir sind natürlig. Also, d’Familie oder Fründe und so isch es je nach dem halt belaschtend wenns länger goht. Aber defür hesch Ziit. – Und chasch no Züüg mache wo lessig isch, wichtig isch oder chasch no Gspröch füehre. Jo, chasch no lebe. Und vilicht bewusster eifach. Dütlich bewusster.