( hm ) Ich weiss nid ob ich dä gstalte muess. Also… ich dängg wichtiger isch, dass die Lüüt wo zruggbliibe ihn chönne gstalte. Also ich… ich mein ich han das bi dr Babs… sie het das ja voll durreorchestriert, oder ( ? )… und isch au e Version, findi. Das mer seit wie mers gern wött. Ich han au… ich han e Rubrik bi mir im Compi, ich han e Vorstellig wo ich gern würd begrabe si und so… – und han mir denn so überlegt wie das wär wenn… und denne han ich plötzlich *lacht* han ich das alles ufgschriibe. Und denn plötzlich hani unde ane gschriibe : ‹‹he, und das isch sone seich… wenn ich das jez sag, wenn ihr das andersch wänn, denn müen ihr das unbedingt so mache wie ihrs wänn. Fertig schluss››. Also… will es goht jo nid um mi. Es goht jo denn um die Lüüt. Und das isch so biz au d’Erkenntnis gsi wo mer gha hend bim Mami. S’Mami hett jo denn do in ihrer Erlüchtigsphase am Schluss, het sie jo ganz klar gseit verloched mi, ich will kei Begräbnis, nüt. Und hett quasi sehr genau die Instruktion hinderlo und mir sind jo voll über dä Wunsch hinwäg gange und hänn gfunde : ‹‹ne, mache mir nit››. Will mir gfunde hänn, mer muess Glägeheit ha Abschiid z’näh. Und wenn mer quasi eifach s’Mami würd verloche und de Lüt denne nocher e Chärtli schicke und sage sie isch jez beerdigt, ade mitenand… das isch nid… das isch nid d’Idee. Und ich glaub das isch… das isch wo ich vorher gseit ha… das isch wichtig, das me… das me Ritual het. Egal wie und das me öppis macht. Und mir isch das denne glaub eigentlich au wirgglich schnorz.