( hm ) Ich glaub ich würd nid unbedingt wölle öpper ufeme Friedhof go bsueche. So. Also ich glaub – e Stai ansich fändi schön. E Krüz findi weniger schön, well ich das nid mit Religion muess in Verbindig setze – aber vo mir us chas eifach irgend e Ort si, wo ich persönlich denne mit dere Person in Verbindig bring. E Ort wo ich denne anego chan, wenn ich dere Person will noch si. Also s’muess nid, muess nid e Grabstei si. [ … ] Jä ich würd d’Prozedur eifach nid kirchlich mache, unbedingt. Aso glaub scho, dass mer sich so trifft… dr Rahme jo scho no schön wär, so kirchlich. S’würd mi denn meh närve, so vo Gott z’höre. Also s’müesst eifach sunscht irgendwie so über die Person gredet wärde – wo mer sich erinneret. Ohni das mer do no Gott drüber stelle muess. Aber wenn mers innere Kirche mache will, ischs trotzdäm schön. Aber s’müesst jetzt nid Gott und Bible si. Aber Kerzli und so trotzdäm…