[ … ] Wichtig isch, dass wenn öpper gstorbe isch, isch, dass mer en nöd eifach grad isarge tuet, aso ebe id Versenkig tuet [ … ], sondern, das me die Person eifach e paar Stund no im Bett inne loht – und im Prinzip – ich säg jetzt so, d’Seel cha use und denn au – han ich mol glernt und ich bi immerno überzügt, dass das sehr guet isch ; s’Fenschter ufmache, dass d’Seel chan zum Zimmer us. Das denki, das isch wichtig. Und denn eifach au – ja, wenn denn so öpper grad gstorbe isch, au no wertschätzend mit dem umgah. Au wenn er ebe nümme schnuft und ebe wükli me weiss ; er isch tod. Damit mer ( äh ) die Lüt wo müend Abschied näh, dass die no chönnd Abschied näh – vo dere tote Person. Abschid näh, villicht au no, au wenn me weiss, die ghört das nümme, doch no zum Usdruck bringe : ‹‹loos, es tuet mer Leid, das ich dir det eso weh tah ha, dass ich dich brüskiert han ( ähm ) – ich glaub zrugg blibet glaub jetzt nur no die guete Erläbnis mit dir – und bitte verzeih mir››.
/K.H.
Pfarrerin und Sterbebegleiterin. Mutter von fünf Kindern.
Warschinli, aso gseit hät me ja mal, dass d’Seel drü Tag bruchi bis sie sich ganz vom Körper glöst hät, je nach Kulture isch das
