Ganz im Allgemeine ? Aso ganz im Allgemeine sicher sehr. ( ähm ) Jo ich glaub scho, jenachdem was du glaubsch – jo, hesch du e anderi Vorstellig vom Tod und… und chaschen dodurch au anderscht anäh oder ebe au nid, hesch Angscht devor oder nid. ( ähm ) Ich finds e relativ schrecklichi Vorstellig wenn me irgendwie – s’ganze Läbe dra glaubt, dass me eventuell nocher – ich weiss au nid – in d’Höll chunnt oder irgendsoöppis. Das mer sich quasi muess Angscht mache und… und Angscht ha vorem Tod, well me nid sicher weiss, öb me jetzt – weiss nid – gnueg ‹Vater unser› oder ‹Ave Maria› gseit hett, oder irgend so öppis. ( ähm ) — Aber ich chan mer au vorstelle, dases schön isch wenn me irgend­ wie als Buddhischt ganz überzügt isch, das me sowieso wider­gebore wird – und denn, jo, isch jo de Tod wirklich nur e sone – irgendwie, ich weiss au nid – jo, sone schnälle Abschnitt, bis me denn widerchunnt. Durch das isch de Tod sicher au öppis anders als ebe für irgend e Katholik oder so. ( ähm ) — Ich bi froh – glaub – dass ich nid irgendwie… aso ich glaubs nid, dass ich irgendere Religion mi cha zue ( ähm ) ordne, wenns umme Tod goht. Und – ich bi überzügt, dass irgend öppis Guets chunnt. Und – ich han s’Gfühl, s’währ irgendwie wahnsinnig müehsam wenn me sich müessti Angscht… aso wenn me müessti Angscht ha vorem Tod. Und – ich, aso – jä, aso ich entscheid… aso jo, me weisses sowieso nid. Und me wirds au s’ganze Läbe nid usefinde was wird sii nacher und do findis denn biz müehsam, wenn… wenn denn Religione eim ebe irgendwie zwinge, dases denn öppis isch wo me denne muess Angscht ha devor. Well… jo, me cha sich jo… aso, ich cha, ich sehs eso dass mer sich eigentlich jo cha defür entscheide, ich nimm… aso ich chönnt sage : wuä, ich ha Angscht drvor, will ich weiss nid was chunnt. Oder ich chan sage, es chunnt eh irgendwie guet und me sehts jo denn, oder me sehts nid und… – jo…