Ich dängg scho stark. Aso – mi jez… das isch uf mi bezoge oder meinsch es allgemein ? Also ich glaub gar… allgemein dängg ich sin sovill Bilder umme, oder ( ? )… vo verschiidene Religione, vo… vo ver­schiidene Uffassige, esotherischi Uffassige etc. etc. – Also dorum dängg ich, isch das au so es schwirigs Thema für villi. Will, jo, letschtlich hett denn niemerts e richtigi Antwort, weiss niemerts genau wies denn wirgglich isch. Sin jo denn alles Glaubens… wirgglich Glaubensfroge. Bi mir eso vom Glaube her, dängg ich, weiss nid… das isch jo min persönliche Glaube. Es isch so meh, dass ich s’Gfühl ha ( ähm ) jo… mir wärde gebore us irgendeme Grund und denn irgendwenn stärbe mer au us irgendeme Grund *lacht*… Das de Zyklus, de ghört irgendwie für mi zeme und… – jo, es wär natürli no schön wenn… wenns denn wirgglich so irgend- welchi Versprechige gäbt wie… wie das es en Friide isch am andere End. Und ich dängg das sind so die Froge wo… wo ebe wie beihflusse… wo ich denn aber letschtlich merk, do chasch eifach dra glaube oder nid. Und mi jez… mi selber… ich han jez nid irgend so… sone völlige religiöse Halt im Öppis. Ich ha so mini… ebe das woni vorher gseit ha… das d’Idee das mer en Teil vo öppis Ganzem sind. Und das mer wiider en Teil vor dem Ganze wärde, das isch so… so bizli mini Idee vo Glaubensidee. Und das… das muen einfach vo dem Ganze ab und zue wiideremol wiider es Stüggli abgsplittet und denn isch mer en Moment do uf dere Welt und denn splittet mer sich wiider ab und kippt wiider dört zrugg ih das Ganze so. Dorum dängg ich ; jo, es isch so wien e natürliche Zyklus au. S’fallt mer au so schwer z’überlege wie… *lacht* wie das wär wennd immer würsch läbe. Also das sin wohrschinli Glaubenssätz wo ich wie in mir ha. ( Ähm ) Das dr Tod für mi dur das au biz de Schregge verliert. – Es ghört eifach dezue, quasi. Und das isch jez halt e Teil, so wie alli gebohre wärde müen halt alli au do dedurch wiider durre… und ( ähm ) jo, isch e Teil vom Ganze und dorum jä, ich glaub es nimmt ihm de Schregge. Jo.