( hmm ) — ( Ha ) Aso isch no schwirig zsäge, will so wückli fix vorgäh isch nüt, aso jetzt bi eus Reformierte sowieso nöd… aso vo demher würd ich weder s’Gebet weglah, no d’Musik weglah, no en Läbenslauf wäglah, no e kritischi Würdigung vom Läbe weglah. Aso ich wür bi eus eigentlich nüt weglah. Bide katholische Beerdigunge, wo ich scho gsi bin, det würdi sehr vill wäglah, will ich det erläbt ha, dass s’Läbe vom Verstorbene eigentlich e ganz e chlini Rolle spillt und die ganzi Mäss eifach durezelebriert wird ohni ufs Individuum wo gstorbe isch izgah. Und det würd ich de ganzi umligendi Balascht weglah und würkli s’Läbe is Zentrum stellä. Aber jetzt bi eus, i eusere reformierte Tradition würd ich nüt weglah… eigentlich, nei.