( Boah ) Isch halt nöd so sexy, aso isch nöd so cool, oder *lächelt*. Ich meinä, wänn Sie — ja aso ich erläb sogar i minere Familiä, das… die froged nie. — Ussert sisch jetzt min Partner froget mich ab und zue : ‹‹du wie machsch du das jetzt eigentlich jetzt scho über all die Johre ?›› Oder ‹‹ich chum nöd eso vill mitüber vo dir››, ja. — Mängisch verzelli Öppis, hüfig au nöd – aber -… oder dänn gönd sie noimeds herä und die froged sie : ‹‹was schaffsch du ?›› Das wird mer ja no schnäll gfroget. Ich frog denn ame scho : ‹‹Wotsch es wückli wüssä ?››… Ja und, aber dänn sägis au, wänns säged : ‹‹ja ich wotts würkli wüssä››, ja sisch ja au sone Frag wo mer so stellt. Ghört so id Kategorie Smalltalk halt und – und dänn denk ich mir ja wenn ichs dir säg, dänn will ichs dir aber au richtig säge was ich mach… und das chan mer dänn aber au nöd eifach mit zwei Sätz säge : ‹‹ich mach das und das…›› Ja ich säg dänn scho, ich schaff am Unispital uf de Palliativstation, ja, und dänn merked Sie scho wie de Lüt d’Chraft usem Gsicht gheit, oder. Und, ja, die wo meh wännd wüsse die froged. Die einte. Die meischte säged : ‹‹ups, das chönnt ich nie››, oder. – Ja.