Das mer bewusster läbt. — Bewussti Usenandersetzig mit em Sterbä, da werded Sies, wänn sies mached, erläbe, oder, dänn läbed Sie eifach bewusster. — Will Sie werded sich bewusst… ich mein… es git au so Phase im Läbe… ich weiss jetzt au nöd wo Sie dadebi jetzt stönd… aber ich, ich han glernt über d’Jahr ( ähm ) dass de Tod sicher wird passiere – ich weiss nöd wänn – aber er wird cho – und d’Warschinlichkeit mit jedem Jahr wo ich älter wird, isch dases weniger lang gaht, bis es sowit isch. Aber, ich mach mir… ich dänk au nöd die ganz Ziit dra. Und ich glaub das wär au nöd sinnvoll. Da hetti niemert öppis devo, wenn ich das die ganz Ziit wür dänke. Aber es git vill Sache, woni i mim Läbe nöd ufschieb. Woni säg wieso sölli das erscht mache wenni pensioniert bin. Ich weiss ja gar nöd, obi das dänn überhaupt no erläbe. Was gits für Gründ, alles ufzschiebe wo mer eigentli gern miech ( ? ) Wurum macht mers nöd jetzt ( ? ). Und dadefür es guets Argumänt zfinde, das nöd zmache. Wurum machi das nöd Jetzt ( ? ). Ich glaube s’Usenandersetzä mitem Tod, isch eigentlich e Usenandersetzig mitem Läbe. Letschtändlich.
/T.S.
Studentin. Mutter starb an Brustkrebs.
Ich glaub es git einem d’Chance sich vorzbereite. Sich wie ebe no Sache zmache mit däne Persone, wo villicht jetzt bald stärbe, wo me sunscht