/S.v.B.
Schulleiterin. Dreifache Mutter. Von Brustkrebs Betroffene.

Es nimmt Angscht. Es nimmt de Schregge. – ( Ähm ) Es loht di eidütig loh Erfahrige mache wo du suscht nid miechsch. Also, ich bin s’erscht Mol so richtig richtig richtig mit em Tod konfrontiert worde wo e Kind bi mir im Chinzgi, wo ich gha han, gstorbe isch. Und zwar weiss ich… aso vom einte Tag uf dr Näggscht. Und das isch eso öpis verruggts oder wenn sone fünfjährigs Kind eifach so stirbt. Dä hett e Darmdurchbruch gha und isch denn quasi anere… anere Bluetvergiftig gstorbe… ‹rumpsbäng›. Aso dä hett au Darmproblem gha scho, er hett… als Buschi kei eigene Darmusgang gha und denn hänns ihm do was baschtlet und er muess eifach irgendwie z’dünni Darmwänd gha ha oder so irgendöpis verruggts. Aso dött hani mir ganz fescht so… hani all die Büecher vo de Kübler-Ross gläse, weisch, und so… – und han eifach gmerkt, jo, wie… wie wichtig das isch… weiss au nid… sich… wie das chan hälfe, sich mit däm usenanderz’setze zum… a ) ebe, wiider de Schregge z’verliere, denn aber au zum mit Lüüt ins Gspröch ko… aso mit dene Eltere zum Bispiil vo däm Kind ins Gspröch ko… won ich suscht wie… wie villicht d’Wort oder so nid gfunde hätt. – Jä, und ich dängg… das wo du jez machsch… so, will mir uns mit dem hänn müesse beschäftige machts nid Angscht und denn chasch ahfoh Froge stelle und kasch ahfoh schwätze drüber, oder ( ? ). Und denn gitts… gitts eifach spannenderi Gspröch als irgendwelche ‹Blabla›. Jo, also wirgglich. Und denn redsch über s’Lebe oder über s’Sterbe und das isch wie… das goht uns alli öppis ah. Und vill meh als öbd jez wiider de neuschti Rucksack vo ( …  ) hesch, oder so. *lacht* [ … ]
«Und denn gitts… gitts eifach spannenderi Gspröch als irgendwelche ‹Blabla›. Jo, also wirgglich. Und denn redsch über s’Lebe oder über s’Sterbe und das isch wie… das goht uns alli öppis ah. Es loht di eidütig loh Erfahrige mache wo du suscht nid miechsch.»

Antworten der anderen Personen

/U.S.
Pensionärin. Ehemals Pflegedienstleiterin in einem Alters- und Pflegeheim.

«Ich glaub, wenn du dich use­nand setzisch mitem Tod und du bisch zfride mit dir und mit dim Läbe wo’d gha hesch, denn denki isch das e Beriicherig. Aber ich chan mir vorstelle, wennd eifach s’ganz Läbe lang immer s’Gfühl hesch, du bisch z’churz cho und villicht au ganz en Huufe Schicksalsschläg gha häsch, [ … ] dass denn warschinli sehr schwirig isch, wenn di mitem Tod musch usenandersetze.»

Antwort lesen