Ich glaub es – wenn du dich usenand setzisch mitem Tod und es – du bisch zfride mit dir und mit dim Läbe wod gha hesch, denn denki isch das e Beriicherig. Aber ich chan mir vorstelle, wennd eifach s’ganz Läbe lang immer s’Gfühl hesch, du bisch z’churz cho – und au – villicht ganz en Huufe Schicksalsschläg gha häsch, wo anderi nöd gha hend – dass denn warschinli sehr sehr schwirig isch, wenn di mitem Tod musch usenandersetze. — Ich, ich glaube ( ääh ) also wenn ich mich jetzt alueg, sicher bin ich truurig wenn s’Läbe jetzt wür z’End goh, aber irgendwie hani glich s’Gfühl es isch so… ich bi trurig, aber ich tue nid hadere. Aber wenni jetzt s’ganz Läbe aso – zerscht emal mini Eltere hetted mich kaputt gmacht und ich hett mich nöd chönne löse vo dem und nochane hetti villicht en Alkoholiker als Maa gha oder eine wo immer fremd gange isch oder e Spilernatur gsi wär — denn glaubi, denn hetti scho Müeh. Und ob das denn e Bericherig isch, mich denn mit dem müesst usenandersetze – hmmm – da hani mini Zwifel. *lacht* Sondern eifach e grossi Fruschtration und es Denke ; es isch eifach gemein, dass gwüssi Lüt hends eifach guet im Läbe und ich han alles gmacht und bi nie vom Fläck cho. Will mer denn jo au ebe villicht au s’Gfühl hett, jetzt isch so villes schlecht glaufe, denn cha au de Tod nid guet laufe. Ussert ich chan selber bestimme, wenn ich will sterbä…