Ja – aso da müessti jetzt glaub echli ushole, s’chunnt echli drufah, wär vo mine Nöchschte stirbt. Und sgit im Zäme-hang mitem Sterbä vo Nöchschtä e gwaltigi Theorie und das isch d’Theorie vo de Motivbefriedigung. Es chunnt ja drufa welli Motiv en Nöchschte bi mir abdeckt. Wenn Sie nöchi Menschä händ : Fründä, Gschwüschter, Elterä, Partner, Partnerin, dänn decket die au bi Ihne ganz bestimmti Sache ab wo Ihne unter Umständ en andere Nöche nöd chan gäh. – Und, ich würd mir natürlich überleggä, was isch wenn dä Mänsch nümme do isch ( ? ) – was fählt mir dänn ( ? ) und welli Möglichkeite han ich, das irgendwie – mit dänne Motiv mir wider z’ersetze, mit öppert anderem. Und i dem Sinn ischs ja eigentlich eso, dass ( ähm ) ich glaube – meh oder weniger weh tuet mit de Distanz oder Nöchi wo ich mit öpperem ha. Das wäred die Motiv wo mich sehr würed beschäftige. Ja.