Ich denk ich – s’chunnt au wider druffa – wer ( ? ) isches. Aso wenn jetzt mini Enkelin wür sterbä, jetzt, mit sächs Johr. Ich glaub denn wär das ganz ganz tragisch für mich. Wenn sie – ja, mitem Velo en Unfall hett oder irgendöppis wür ässe oder trinke wo sie stirbt… aber wenn jetzt -… oder au mini Chind, wo jetzt so im mittlere Alter sind, so zwüsche drissg und vierzg. Das wär sicher au schlimm, well i denk, die händ nonig ihres Läbe gläbt. Und wenn min Maa jetzt wür sterbä, denn mueni säge, ja, er hät au es schöns Läbe gha – us minere Sicht – wie er das natürlich fühlt, weissi nöd *lacht* das müesst er sälber säge. Aber denn wär ich glaub eifach truurig. Truurig und aber dankbar dasi die Zit mit ihm ha chönne verbringe.