Kunnt sehr druff ah wie noch ich dere Person bi. ( ähm ) – Ich glaub s’chunnt au druff ah, aso s’spillt zämme mit wie noch sie isch, aber au – wie…

Aso für mich isches emal ganz klar – das ich z’allererscht mal vor Ort gahne und emal luege, was isch überhaupt passiert. Denn isches für mich ganz ganz wichtig, das…

Aso -- üblicherwis frog ich… aso jetzt gangi vom bruefliche us… üblicherwis frogi als d’Lüt öb si debi gsi sin und wies gsi isch. Obs e ruhige Tod gsi isch…

«Aso das isch ganz schwirig. Wenn mes mit Wort muess mache, blibed eim d’Wörter eigentlich fascht weg. Will ich finde so ‹ich kondolier dir›, das gfallt mer nöd.»

«Empathie, es Mitempfinde aso au ohni das mer immer i jedemfall die Truur zu sine eigene Truurgfühl chan mache, well das isch nöd immer die glich Betroffeheit, aber sicher das mer d’Truur vom andere Mänsch anerchännt und nöd grad chunnt und seit: ‹ja weisch, ich ha no vill Schlimmers erläbt›. Sondern wückli dä Mänsch wo trurig isch, staht dänn im Zentrum vo minere Ufmerksamkeit.»

«Wänn das e mir nachstehendi Person isch, würd ichs villicht nöd emal so fescht mit Wort als meh au mitere Geste mache. Wenn die Person mir sehr noch isch, wär da sicher sehr vill Körperkontakt. Ich würd die Person in Arm näh»