( ähm ) Aso wills trurig isch. Zerscht. Ich dängg, wells Angscht macht ( ? ), öpper zverliere ( ? ). Und jo das me quasi, jo lieber nid erwähnt als drüber zschwätze. --- Und… aso…
«Jede Selbstmordaschlag wird hundert Mal zeiget i de Zitig, überall gsehsch Bilder, vo det her isch de Tod keis Tabu. De Tod isch es Tabu bi eim persönlich, im Fründeschreis, im Bekanntechreis und i de Familie. Det wos eigentlich am wichtigschte wär, emal über das Thema zredä.»
Aso das isch für mich glaub eifach au – wenn öppert Nöchers vo mir stirbt – denn wett ich au, ich weiss nöd, eis oder zwei Stund bi dere Person…
Denn wärs mir wichtig… ( äh ) ich glaub ich würd so e Art vo Foti miteme Kerzli wölle noimet ha – dehei. Ich würd au wölle, dass alli Lüt kömme, also…
«Aso ich respektier und versuech das umzsetze, wo usgsproche isch. Und wänn nüt usgsproche isch, dänn versuech ich, jetzt i mim Fall, würd ich zämme mit minere Schwöschter jetzt Entscheidige träffe, das ichs wie nöd elei, oder nöd wie sie elei muess träge. Sondern dänn träged mer e Entscheidig gmeinsam.»
«Bimene chräbschranke Chind wo ich das Sterbä sehr nöch miterläbt ha, da hät immer öpper wach ghalte, s’sind Nachberschind cho, händ Lampion azündt und händ wückli sehr vill schöni Elemänt gmacht. Nöd eifach nur ime Sterbezimmer isoliert, sondern id Stubä iegnoh, is Läbe dri.»
Die Gliche wie bi mir. Ebe, s’Lichemöhli – ich sag dem immer Lichemöhli. -- Eifach s’gmeinsame Zämesii mit de anderne nocher. Mit den Überlebenden. Suscht nüt, suscht isch das wo…
( mhm ) Aso das isch bereits e paar Mol passiert und mir isch ganz wichtig… aso wenn mer da überhaupt vomene Ritual chan redä isch… ( ähm ) mir ganz bewusst die Ziit…
«Dass irgendwie öpper das leitet. Aso das me nid sälber muess verantwortlich si, aso, s’muess nid e Pfarrer si oder irgendöpper, wo schwätzt und irgendwie das in dr Hand hett. So dass das nid irgendwie vo mir gmacht muess wärde.»
«S’Läbe vo dere Person nomol loh Revue passiere loh. Und das muess nid d’Karriere sii, wo dä Mensch gmacht hett und so Seich… Sondern wirgglich eifach so paar Anektote usezupft, so usm Läbe.»
Ist etwas unklar?
Schreib mir doch, falls du eine Frage hast.
Newsletter doch nicht?
Schreib mir einfach «Keine News» per Mail und du wirst aus dem Verteiler genommen.
