Jo für mi ischs nid eso e Tabu, drüber z’rede. -- Villicht, will er relativ oft jetzt – aso au vo dene Krankheitsverläuf, wo ich weiss, das goht zum Tod…
«Obwohl mer immer so locker seit : «Ja, es isch doch klar, de Tod ghört doch is Läbe. Das weiss me doch.» Er isch ebe wückli nöd bi eim sälber im Läbe. Und das isch das, wo’s au so schwer macht. Will me am Tod kein Platz git, bi sich sälber.»
«Ich glaub es isch e kollektivi Verdrängig – es isch villicht au nöd es würklichs Läbe. Will wänn Sie mit Mänsche redäd wo voll im Läbe stönd, wo ganz bewusst ihres Läbe au gnüssed, chönd Sie ide Regel au ganz guet übers Sterbä und dä Tod redä.»
«Hät sicher na tüf inne verwurzlet demit ztue, dass Toti als unrein gultä händ. Mir tüüf i eus immerno drin händ, au es tots Tier, säged all: langs nöd ah.»
«Wills halt doch öppis Findlichs hät und me laht eigentlich lieber das wäg im Läbe, wo, wo bedrohlich isch, wo eim öppis nimmt, wo me gern wett feschthebe.»
«Wells schwirig isch. Und well me immer Angscht hett, dass denn irgendöpper afoht hüüle, dases z’persönlig isch, dases eim selber nüt agoht. Das me denn mit de Reaktion wo’s villicht uslöst, wenn mer villicht so öppis aspricht, das me nid klar kunnt.»
Me redt eigentlich nöd zwenig drüber. Will du chasch jede Tag im Fernseh, im Radio, die Ziitige gsehsch du meh Tod, wie dass dir eigentlich lieb isch. Will es wird…
Me will sich mit dem Thema nöd usenandsetze, will eigentlich weiss jedermann, de Tod chunnt, aber wenn ich mich mit dem Thema befass, denn muen ich mich ja üssere dezue,…
Wills Angscht macht. -- Will… unseri Gsellschaft alles dezue tuet… defür tuet momentan das nid z’fescht an d’Oberflächi loh z’cho oder in d’Nöchi loh z’cho. -- Jo. Es macht glaub……
«Villicht ischs au e gwüssi Angscht, das me dr Tod quasi anebeschwört, wenn me vonem redet… Aber ich dengg es hett meh demit ztue, d’Angscht wie gseht dä Tod für mi sälber us.»
Ist etwas unklar?
Schreib mir doch, falls du eine Frage hast.
Newsletter doch nicht?
Schreib mir einfach «Keine News» per Mail und du wirst aus dem Verteiler genommen.
