Das mer bewusster läbt. --- Bewussti Usenandersetzig mit em Sterbä, da werded Sies, wänn sies mached, erläbe, oder, dänn läbed Sie eifach bewusster. -- Will Sie werded sich bewusst… ich…
«Ich glaub es isch e kollektivi Verdrängig – es isch villicht au nöd es würklichs Läbe. Will wänn Sie mit Mänsche redäd wo voll im Läbe stönd, wo ganz bewusst ihres Läbe au gnüssed, chönd Sie ide Regel au ganz guet übers Sterbä und dä Tod redä.»
«Jede Selbstmordaschlag wird hundert Mal zeiget i de Zitig, überall gsehsch Bilder, vo det her isch de Tod keis Tabu. De Tod isch es Tabu bi eim persönlich, im Fründeschreis, im Bekanntechreis und i de Familie. Det wos eigentlich am wichtigschte wär, emal über das Thema zredä.»
( mhm ) Aso das isch bereits e paar Mol passiert und mir isch ganz wichtig… aso wenn mer da überhaupt vomene Ritual chan redä isch… ( ähm ) mir ganz bewusst die Ziit…
«Aber au ich bin öppert wo zwüschetdurre de Tod erfolgrich uf d’Siite stellt, denn dä Tod passiert jo immer de Anderne, dä passiert ja nöd eim sälber, oder.»
«Aber wänn Sie mich frogäd, persönlich würd ich säge ‹who cares?›, aso s’chan alles weggloh werdä, insbesonderi de ganzi Predigt vomene Pfarrer wo dä Gstorbeni nöd emal kännt hät.»
«Dä Tod isch ja öppis völlig Irrationals. Die meischte Lüt chönd sich das nöd eso konkret vorstellä, was dä Tod eigentli isch. Und wänn Sie öppert chönd ufbahre, und dä Lichnahm länger präsent isch – dänn händ Sie erschtens mol vill Zit mit däm Lichnam zverbringä, sich vo däm z’verabschidä und dä Tod wird wortwörtlich begriffbar.»
«Was ich versuech, i somene Moment, isch mich für en churze Moement versuech i die Schueh vo dene Lüt zstellä, oder, zsäge okay: was isch däne jetzt passiert ? Was händ die jetzt die letschti Zit durrä gmacht ?»
«Wänn das e mir nachstehendi Person isch, würd ichs villicht nöd emal so fescht mit Wort als meh au mitere Geste mache. Wenn die Person mir sehr noch isch, wär da sicher sehr vill Körperkontakt. Ich würd die Person in Arm näh»
«Ich würds mir als es warms, hälls, unheimlich friedlichs und üppigs Bild vorstellä. Ich bin geschter inere Barockchile gsi, so irgendwie das Gflügel wo da umehanget und die Gipsexplosionä…»
Ist etwas unklar?
Schreib mir doch, falls du eine Frage hast.
Newsletter doch nicht?
Schreib mir einfach «Keine News» per Mail und du wirst aus dem Verteiler genommen.
