Es intensivers Läbe. Also ich glaube sobald mer sich würklich mitem Sterbä befasst, ob jetzt das brueflich isch wie ichs mach oder, oder indem mer familär oder im Fründeschreis öppert…
«Hät sicher na tüf inne verwurzlet demit ztue, dass Toti als unrein gultä händ. Mir tüüf i eus immerno drin händ, au es tots Tier, säged all: langs nöd ah.»
«Wills halt doch öppis Findlichs hät und me laht eigentlich lieber das wäg im Läbe, wo, wo bedrohlich isch, wo eim öppis nimmt, wo me gern wett feschthebe.»
«Bimene chräbschranke Chind wo ich das Sterbä sehr nöch miterläbt ha, da hät immer öpper wach ghalte, s’sind Nachberschind cho, händ Lampion azündt und händ wückli sehr vill schöni Elemänt gmacht. Nöd eifach nur ime Sterbezimmer isoliert, sondern id Stubä iegnoh, is Läbe dri.»
«Ich chönnt säge, feschtschribe, was ich gern wett, aber das wär mir jetzt nöd s’Wichtigscht, dass das umgsetzt würd. Sondern da würd ich dänn finde, hey Chinde, [ … ] tüend ihr das bestimme, was eu wichtig isch.»
( hmm ) --- ( Ha ) Aso isch no schwirig zsäge, will so wückli fix vorgäh isch nüt, aso jetzt bi eus Reformierte sowieso nöd… aso vo demher würd ich weder s’Gebet weglah,…
«Das ich scho erläbe, dass Mänsche wo de Glaube händ ringer sterbäd als die wo sich vorstelled es chunnt eifach – säg jetzt halt wider ; es schwarzes Loch, oder es Nüt, oder es hebt sich alles uf, aso de Glaube - wänns en guete Glaube gsi isch : wo ebe nöd mit em Fegfüür und de ewige Höll droht.»
Warschinli, aso gseit hät me ja mal, dass d’Seel drü Tag bruchi bis sie sich ganz vom Körper glöst hät, je nach Kulture isch das verschiide, aber ich nimme a…
( hmmmm ) -- Ja – was wür me gern ghöre ( ? ) Ich weiss nöd emal öbs sovill Wort wäred, wo ich wür bruche i somene Moment, sondern lieber kei Wort und…
«Empathie, es Mitempfinde aso au ohni das mer immer i jedemfall die Truur zu sine eigene Truurgfühl chan mache, well das isch nöd immer die glich Betroffeheit, aber sicher das mer d’Truur vom andere Mänsch anerchännt und nöd grad chunnt und seit: ‹ja weisch, ich ha no vill Schlimmers erläbt›. Sondern wückli dä Mänsch wo trurig isch, staht dänn im Zentrum vo minere Ufmerksamkeit.»
Ist etwas unklar?
Schreib mir doch, falls du eine Frage hast.
Newsletter doch nicht?
Schreib mir einfach «Keine News» per Mail und du wirst aus dem Verteiler genommen.
