«Aso wenn sie mich nachem ‹Wurum› froged, oder, denn müesst ich au es ‹Wie› ha und ich findä, das ebä s’Läbe begränzt isch, machts ja irgendwo au schön.»
«Aso ich glaub das kännt jede, wo scho en schöne Sunneundergang erläbt hät und s’Gfühl hät, läck, dä müesst ewig duure… und wänn denn de Sunneundergang ewig wür duure wür me warschinli nümme hii luege.»
«Wennd irgendwie de Tod so usbländisch und eifach läbsch und quasi nüt wötsch vom Tod wüsse, denn hani s’Gfühl chasch ab und zue… jo nei, das goht warschinlich au.»
Jo. Ich dängg, jä, das. – Jo und… aso intensiveri Begegnige glaub ich mit Lüt. – Und d’Chance… – dene Lüt wo grad in dere Truurphase sind oder so ( ähm )…
( hm )… Mehrwärt hett me ? --- Jo, villicht macht me ebe Sache bewusster wenn mer sich demit usenandersetzt und wenn me mängisch drüber noch dänggt hett, well me – im Bewusstsii…
Weissi nöd. Nei, das weissi echt nöd. Will da mueni ehrlich säge, da hani no mit niemertem drüber gredt – ich persönlich für mich denk ich ; es hett en Mehrwert,…
«Ich stah am Morge uf, gah da is Gschäft abe, ich ghöre d’Vögeli pfiffe. Ich gnüss das. Ich ghör d’Vögeli pfiffe, wo ich am Kolleg säg : ‹ghörsch dä Vogel ?› – ‹Was Vogel ? Ich ghör nur d’Isebahn.› …und ich ghör halt de Vogel.»
Also jetzt eso, i minere Form, müesst ich säge nei. – Ich hett Angscht unendlich müsse zläbe. Ich hett Angscht vor de Unendlichkeit, wo – wo ich wie s’Gfühl han…
Nei, ( hm ) ich glaub nid. Denn wärs so endlos. Well ( uff )… wells au derzue ghört zum Läbe, für mich, und wenn me öppis… und wenn me eifach unändlich Zit hät,…
«Wenn mer vill mitem Tod konfrontiert isch, nöd sich quasi wie ines Schnäggehus sich zruggzieht und dänke ‹es hät eh kei Sinn, irgendwenn ligged mer all uf em Totebett.› Sondern ja – irgendwenn liggemer, aber jetzt läbemer und jetzt gnüssi das Glas Champagner.»
Ist etwas unklar?
Schreib mir doch, falls du eine Frage hast.
Newsletter doch nicht?
Schreib mir einfach «Keine News» per Mail und du wirst aus dem Verteiler genommen.
